როგორ შევარჩიოთ სათამაშო ბავშვისთვის?

თამაში ბავშვის განვითარების აუცილებელი კომპონენტია და ამიტომ სათამაშოს სწორად შერჩევას დიდი მნიშვნელობა აქვს.

ბავშვები ყველაზე დიდ მნიშვნელობას სათამაშოს ვიზუალურ მხარეს ანიჭებენ, მაგრამ გარდა ამისა გაითვალისწინეთ ისიც, რომ სათამაშომ უნდა გააღრმავოს ბავშვის წარმოსახვის უნარი და უბიძგოს მას იყოს უფრო კრეატიული.

გარდა იმ ზოგადი რჩევებისა, რომელიც ქვემოთ არის ჩამოთვლილი, გასავალისწინებელია აგრეთვე ისიც, რომ სათამაშო იყოს ბავშვის ასაკის შესაფერისი. არ დაგავიწყდეთ, რომ ბავშვებს ძალიან უყვართ სხვადასხვა ნივთების პირში, ყურში, ცხვირში ჩადება.

რაც უფრო პატარაა ბავშვი, მით უფრო დიდი სათამაშო უყიდეთ მას. იგი უნდა იყოს იმდენად დიდი, რომ თქვენმა შვილმა ვერ მოახერხოს მისი გადაყლაპვა
თავი აარიდეთ მონეტებს და პატარა ბურთულებს
ელემენტებზე მომუშავე სათამაშოს შემთხვევაში, დარწმუნდით, რომ ბავშვმა ვერ მოახერხოს თავისით მისი გახსნა, რადგან ელემენტი და მასში არსებული სითხე ძალიან ტოქსიურია
სათამაშოს არ უნდა ჰქონდეს მახვილი ბოლოები, პატარ- პატარა ნაწილები და უნდა იყოს იმდენად ძლიერი, რომ გაუძლოს დაღეჭვას
შედარებით მოზრდილ ბავშვებთან არ დაგავიწყდეთ ჩაფხუტი ველოსიპედის, სკეიტბორდის, თუ როლიკების შეძენისას
სათამაშო უნდა იყოს არატოქსიური, ტყვიისგან თავისუფალი და ცეცხლგამძლე. აგრეთვე შესაძლებელი უნდა იყოს მისი გარეცვხა ისე, რომ არ გაფუჭდეს.

მიუხედავად იმისა, რომ ეს წესები შეიძლება ზედმიწევნით დაიცვათ, მოულოდნელობებისგან დაზღვეული არავინ არ არის. ამიტომ, განსაკუთრებით მაშინ როცა ბავშვი ჯერ კიდევ ძალიან პატარაა, მას თქვენი მუდმივი მეთვალყურეობა ესაჭიროება