როგორ შევარჩიოთ ბავშვის ფეხსაცმელი?

როგორ შევარჩიოთ პირველი ფეხსაცმელი ჩვილისთვის

თქვენი პატარა უკვე მზადაა პირველი ნაბიჯების გადასადგმელად? ასეთ შემთხვევაში, თქვენ უნდა შეურჩიოთ ისეთი წყვილი, რომელიც მას მოძრაობაში დაეხმარება.

აღსანიშნავია, რომ პედიატრები ბავშვისთვის ფეხშიშველ სიარულს გვირჩევენ. ამის წყალობით, პატარები უკეთ გრძნობენ იატაკს, რაც მათ კოჭებსა და კუნთებს აძლიერებს. თუმცა, გარეთ სეირნობისას ფეხსაცმელი აუცილებელია დაზიანებების თავიდან ასაცილებლად.

გთავაზობთ რამდენიმე პრაქტიკულ რჩევას სწორი შერჩევისთვის:

1. სწორად შეარჩიეთ ზომა

ბავშვი თავად ვერ გეტყვით, უჭერს თუ არა ფეხსაცმელი. ამიტომ, ჩააცვით ორივე ფეხზე, დააყენეთ პატარა და კარგად დააკვირდით.

ჯერ ერთი, სიგრძის შესამოწმებლად ცერა თითი ბავშვის თითის წინ დააჭირეთ.
გარდა ამისა, თქვენი ნეკა თითი ბავშვის ქუსლთან უნდა ეტეოდეს.
ამასთანავე, აუცილებლად გაითვალისწინეთ სიგანეც, რათა ბავშვმა თავი მაქსიმალურად კომფორტულად იგრძნოს.

2. აარჩიეთ მსუბუქი და მოქნილი მასალა

ახალფეხადგმულ ბავშვებს ნაბიჯების გადადგმა ისედაც უჭირთ. შესაბამისად, ნუ დაუმძიმებთ ამ პროცესს მასიური ფეხსაცმლით. უმჯობესია, აარჩიოთ ნატურალური და სუნთქვადი მასალა.

ასევე, დარწმუნდით, რომ ფეხსაცმელი საკმარისად მოქნილია. ვინაიდან მყარმა ძირმა შეიძლება ფეხის დეფორმაცია გამოიწვიოს, ის ადვილად უნდა იღუნებოდეს.

3. დააკვირდით ძირსა და შესაკრავებს

უსაფრთხოებისთვის ძირი ტყავის ან რეზინის უნდა იყოს. შედეგად, ბავშვს ფეხი აღარ აუსრიალდება. რაც შეეხება შესაკრავებს, ისინი მარტივი გამოსაყენებელი უნდა იყოს. სასურველია, მათი საშუალებით ფეხსაცმლის სიგანის დარეგულირებაც შეგეძლოთ.

ბევრი მშობელი ფიქრობს, რომ ორთოპედიული ფეხსაცმელი აუცილებელია. თუმცა, თანამედროვე რეკომენდაციებით, ასეთი ფეხსაცმელი შეიძლება დამაზიანებელიც კი აღმოჩნდეს. საქმე ისაა, რომ ბავშვებს კოჭის ხელოვნური დაფიქსირება არ სჭირდებათ. მათ კუნთები დამოუკიდებლად უნდა განავითარონ. შესაბამისად, სუპინატორები და სპეციალური ჩასაფენები ხშირად უსარგებლოა. რა თქმა უნდა, თუ პედიატრი ინდივიდუალურ რეკომენდაციას მოგცემთ, მისი რჩევა აუცილებლად უნდა გაითვალისწინოთ.

თვალი გვადევნეთ სოციალურ ქსელებში: Facebook Instagram